“Барса” Мессининг йўлини тўсишга қодир эмас

“Барселона” президентлигига номзод Агусти Бенедито Лионель Месси атрофидаги воқеаларга ўз муносабатини билдирди.

- Барчамиз Мессининг “Барселона”да қолишини истаймиз. Неймар Месси билан бирга ўйнаймиз, деганди. Бундан қўрқиш керак. Амалда ПСЖ навбатдаги жаҳон чемпионати мезбони Қатарга тегишли. Агар парижликлар Мессини оладиган бўлса, “Барса” Леонинг йўлини тўсолмайди.  Молиявий томондан биз ПСЖ билан рақобатлаша олмаймиз, - деди Бенедито.

Мессининг “Барселона”даги келажаги мавҳумлигича қолмоқда. Мавсум охирида унинг шартномаси тугайди. Битимни узайтиришга қаратилган музокаралар тўхтатилган. ПСЖ ва “Манчестер Сити” аргентиналик ҳужумчи олиб келиш бўйича режа ишлаб чиқмоқда.