“Барса” олтита ўйинда иккита соврин ютган футболчига кутилмаган янгилик айтди

Испаниянинг амалдаги чемпиони “Барселона” ёзги трансферлар даврида таркибини тартибга солишга ва ортиқча ўйинчилардан қутилишга ҳаракат қилмоқда.

Клубни тарк этиши талаб этилган футболчилар орасида 29 ёшли ҳимоячи Андреас Кристенсен ҳам бор эди.

Sport.es сайтининг маълум қилишича, Каталония суперклуби раҳбарияти кутилмаганда даниялик ўйинчи борасида фикрини ўзгартирди.

Энди “Барселона” Кристенсенга янги шартнома бериб, унга клубдаги фаолиятини 2027 йилнинг 30 июнигача давом эттириш имконини тақдим қилмоқда.

Андреас Кристенсен ўтган мавсумда жароҳати туфайли атиги олтита учрашувда қатнашди холос. Бироқ шунга қарамай, жамоа билан бирга Испания чемпиони ва Қирол кубоги соҳибига айланди.