“Барса” ўз футболчисига бошқа жамоа топиб берди

“Барселона” ярим ҳимоячиси Франсишку Тринкау  келаси мавсумни ўз юртида ўтказадиган бўлиб турибди.

Португалиялик ҳужумкор футболчини мамлакат чемпиони “Спортинг” ўз сафига чорламоқда. Бу жамоа 21  ёшли ўйинчини келаси мавсум учун сотиб олиш ҳуқуқисиз ижарага олишга тайёрлигини билдирмоқда.

Франсишку ўз ҳамюртлари таклифини қабул қилиш орқали етарли даражада ўйин амалиётига эга бўлиш баробарида Чемпионлар лигасининг гуруҳ босқичида ҳам тўп тепиш имконини қўлга киритади.

Тринкау “Брага”дан олинганидан кейин “Барселона” сафида Испания чемпионатида 28 та учрашув ўтказди. У ҳар бир учрашувда ўртача 25 дақиқа тўп тепди.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар