“Барса” ўзи тарбиялаган юлдузни “йўқотмоқчи”

“Барселона” раҳбарияти клуб тарбияланувчиси Ансу Фатига босим ўтказишда давом этмоқда.

Мутасаддилар 20 ёшли футболчи 30 июнга қадар клубдан кетишини талаб қилмоқда. Улар молияви фэйр-плейни бузмаслик учун бир неча футболчини сотиб юбориши шарт.

Бош мураббий Хави Эрнандес Ансу Фати билан биринчилардан бўлиб хайрлашишга қарор қилган. Каталонияликлар унинг ўрнига Лионель Мессини қайтармоқчи.

Аргентиналик юлдуз трансферни амалга ошириш учун “Барселона” раҳбариятига ўн кун мухлат берган ва Ансу Фати эгаллаб турган 10-рақамни беришни сўраган.

Ўз вақтида “Мессининг вориси” сифатида тан олинган Ансу Фати клубдан кетишдан ва ҳақиқий Мессига 10-рақамни қайтариб беришдан бош тортмоқда.