"Барса" президенти "Реал" хўжайини Пересдан ғазабда...

"Барселона" президенти Жоан Лапорта "Реал Мадрид" раҳбари Флорентино Пересдан қаттиқ норози. Бу ҳақда OK Diario нашри хабар берди.

Каталония клуби раҳбариятининг фикрича, "Реал" Хулиан Альварес учун бозор нархини сунъий равишда кўтариб юборган. Маълумотларга кўра, "Барселона" мутасаддилари "Атлетико" билан 100–120 миллион евро атрофидаги суммага келишувга жуда яқин бўлган.

Бироқ шундан сўнг "Реал" саҳнага чиқиб, аргентиналик ҳужумчи учун 150 миллион евро таклиф қилган. Бу эса музокаралар шароити ва трансфер нархини кескин ўзгартириб юборган.

Лапортага кўра, Переснинг бундай қадами "Барселона"га зарар етказиш мақсадида қасддан қилинган. Унинг таъкидлашича, "Реал" аслида Хулиан Альваресни имзолаш ниятида бўлмаган, фақат унинг трансфер қийматини оширишга ҳаракат қилган.