“Барса” сардори Неймарнинг сирини очиб қўйди

“Барселона”га сардорлик қилаётган тажрибали ҳимоячи Серхи Роберто ПСЖ ҳужумчиси Неймар билан ўзаро суҳбати ҳақида гапириб берди.

- Мен Неймар билан гаплашдим. У “Барселона”га қайтишдан хурсанд. Мен ҳам унинг яна клубимиз учун ўйнашини истайман.

Неймар – ажойиб футболчи, ноёб талант эгаси. Унинг келиши бўйича клуб раҳбарияти ва бош мураббий ишлаяпти, - деди Серхи Роберто.

31 ёшли Неймар 2013-2017 йиллар давомида “Барселона” шарафини ҳимоя қилган. Париж клуби бразилиялик форвард учун каталонияликларга 222 миллион евро тўлаган. Бу сумма ҳамон трансфер рекорди сифатида турибди.