“Барса” текинга келадиган ўйинчи учун қимматбаҳо юлдузидан воз кечади

“Барселона” мутасаддилари ёзда Германия терма жамоаси аъзоси Жонатан Та билан ҳамкорлик шартномасини тузишни мақсад қилган.

Бундеслиганинг амалдаги чемпиони “Байер” шарафини ҳимоя қилаётган 28 ёшли футболчининг амалдаги шартномаси мавсум охирида якунланади.

Каталонияликлар Тани эркин агент сифатида бепул қўлга киритишни кўзлаяпти. Бу ҳимоячи “Барселона”да Рональд Араухонинг ўрнини босиши керак бўлади.

Клуб мутасаддилари 25 ёшли уругвайлик ҳимоячини қимматроқ нархга бошқа клубга сотиб юбормоқчи. Араухо ёзда Америка кубоги доирасидаги учрашувда олган оғир жароҳатини даволатаётгани туфайли бу мавсум ҳали бирор маротаба майдонга тушгани йўқ.

Transfermarkt портали эксертлари уругвайлик марказий ҳимоячини 70 млн еврога баҳоламоқда.