“Барса” трансферни барбод қилди

“Саутгемптон” ярим ҳимоячиси Ромео Лавиа фаолиятини “Барселона” таркибида давом эттириш имкониятидан айрилди.

Каталонияликлар майдон марказини кучайтириш мақсадида 19 ёшли футболчига оғиз солган эди. Хави Эрнандес бу ярим ҳимоячи жамоада қўлланилаётган ўйин услубига мос тушишига ишонмоқда.

Бироқ, “Барселона” бу трансфердан воз кечишга мажбур бўлди. Сабаби каталонияликлар “Саутгемптон” талаб қилаётган 60 миллион еврони тўлай олмайди.

Бельгиялик футболчи учун “Арсенал”, “Челси” ва “Ливерпуль” курашни давом эттирмоқда. “Саутгемптон” ўтган мавсум якунларига кўра, қуйи лигага тушиб кетгани боис, Лавиа “авлиёлар” сафида қолмайди.