“Барса” узоқ йиллар ўйнайдиган янги футболчи топди

“Барселона” келажакда Сержи Бусткетснинг ўрнини босадиган ва узоқ муддат Каталонияда фаолият олиб боришга тайёр янги марказий ярим ҳимоячи қидирмоқда.

Айни пайтда каталонияликлар ана шундай футболчи “Рома”да тўп сураётганини аниқлади. 22 ёшли Гонсало Вильяр “Барселона”ни кучайтира олиши айтилмоқда. Бу футболчи римликлар таркибига 2020 йилнинг январида қўшилганидан бери А Серияда 18 та учрашувда майдонга тушиб, ўз маҳоратини намойиш эта олди.

“Барселона” испаниялик футболчини ёзги трансферлар даврида сотиб олмоқчи. Вильярнинг “Рома” билан шартномаси 2024 йилгача тузилган. Тransfermarkt.de  портали футболчининг нархини 3 миллион еврога баҳолаётгани ҳам молиявий инқироздаги “Барселона”га қўл келади.