“Барса” ва “Арсенал” ҳеч ким танимайдиган ҳужумчини талашмоқда

“Эйбар”да ижара асосида тўп тепаётган “Севилья” ҳужумчиси Брайан Хиль катта жамоалар эътиборига тушди. Айни пайтда “Барселона” ва “Арсенал” 20 ёшли футболчини ўз таркибига қўшиб олмоқчи.

Гарчи бу футболчининг номи чиқмаган бўлса-да, шартномасида унинг трансфер суммаси 35 миллион еврога баҳоланган. Шу сумма эвазига Хилни ҳар қандай жамоа сотиб олиши мумкин.

Жорий мавсумда Хиль примерада 15 та учрашув ўтказиб, рақиблар дарвозасини уч маротаба аниқ нишонга олди ва иккита голли пас узатди.