“Барса” ва “Реал” ўртасидаги “эл-класико” бўйича расмий маълумот

Футбол оламининг энг кутилган учрашуви – “Барселона” ва “Реал” ўйини дунё бўйлаб миллионлаб мухлисларнинг эътиборида туради.

Янги мавсумдаги илк ”эл-класико” 24 октябрь куни “Камп Ноу”да ўтказилади.

Каталония ҳукумати қарорига кўра, ушбу учрашув коронавирус пандемияси туфайли ёпиқ эшиклар ортида ўтади ва ўйинга томошабинлар киритилмайди.

- Ҳозирги шароитда стадионга жамоатчиликни киритиш мумкин эмас. Бутун мавсум шундай бўлади, деган фикрни ҳам тасдиқлай олмаймиз. Лекин 20 ва 24 октябрь кунги ўйинларда чеклов амал қилади, - дейди соғлиқни сақлаш масалалари бўйича маслаҳатчи Альба Верже.

Матнда хатолик топсангиз, ўша хатони белгилаб, бизга жўнатинг (Ctrl + Enter)