“Барса” хўжайинларини “Мессининг вориси”дан тўлиқ қутилмоқчи

Лионель Месси “Барселона”ни тарк этганидан кейин унинг ўрнини клуб тарбияланувчиси Ансу Фати эгаллаши кутилган эди. Фаолияти ёрқин ўйин билан бошлаган ёш ўйинчига катта умидлар билан клуб афсоналарининг 10-рақами топширилганди.

Бироқ, икки марта оғир жароҳат олганидан кейин Ансу Фати аввалги даражасига чиқа олмади. Энди клуб хўжайинлари ундан тўлиқ қутилмоқчи.

Айни пайтда Ансу Фати ижара асосида “Брайтон” шарафини ҳимоя қилмоқда ва сўнгги учрашувда Англия Премьер-лигасидаги голлари ҳисобини ҳам очди.

Diario Sport нашрининг хабар беришича, каталонияликлар ёзда Ансуни тўлиқ сотиб юбормоқчи. Аслида ўтган ёзда ҳам бу масала бир неча марта кўтарилган эди.

Бу орқали “Барселона” мутасаддилари маошлар фондини қисқартиришга эришмоқчи. Демак, каталонияликлар ёзда Ансу Фати бўйича ҳар қандай таклифни кўриб чиқади.