“Барса” ёки “Реал”? Суперкопьютер қайси жамоа чемпион бўлишини аниқлади

Opta суперкомпьютери 2026/2027 йилги мавсумда Испания чемпионатида ғолиб чиқиш учун жамоаларнинг имкониятларини аниқлади. Бу ҳақда Opta Analyst хабар берди.

Суперкомпьютер маълумотларига кўра, фаворит ҳамон “Барселона”. Каталонияликларнинг Ла Лига мавсумида биринчи ўринни эгаллаш эҳтимоли 45,6 фоизга баҳоланмоқда.

Икки йилдан бери “Барселона”га бас кела олмаётнган Мадриднинг “Реал” клуби чемпион бўлиш эҳтимоли эса 31 фоизни ташкил этади.

2026/2027 йилги мавсум Испания Примерасида ғолиб чиқиш учун жамоаларнинг имкониятлари:

1. “Барселона” — 45,6%.
2. “Реал” Мадрид — 31%.
3. “Атлетико” Мадрид — 8,6%.
4. “Вильярреал” — 3,3%.
5. “Бетис” — 2,1%.

Испаниянинг амалдаги чемпиони “Барселона” 2025/2026 йилги мамлакат чемпионати мавсумида жамоа 38 та ўйинда 94 очко жамғарди.