“Барса” юлдузи бир қарорга келди
“Барселона” билан янги битим бўйича келиша олмаган уругвайлик ҳимоячи Рональд Араухо фаолиятини қаерда давом эттириш бўйича бир қарорга келди.
Каталонияликларнинг бир неча таклифини рад этганидан кейин 23 ёшли футболчига “Манчестер Юнайтед”, ПСЖ ва “Ювентус” каби қудратли клублардан чорлов бўла бошлади. Бу клублар Араухони ёзда ўз сафига ўтишга кўндириш учун ўз вакилларини юборди.
Бироқ, Хави “Барселона”ни қабул қилиб олганидан кейин жамоа ўйини ижобий томонга ўзгарди. Каталонияликлар нуфузли совринлар учун курашадиган қудратга эга бўла бошлади. Буларни инобатга олган Рональд Каталонияда қолишга қарор қилди.
“Барселона” амалдаги шартномаси бир неча ойдан кейин якунланадиган ўйинчига янги таклиф тайёрлаётгани айтилмоқда. Клуб ҳам Араухонинг қолишидан умидвор.
Фикрлар