“Барса” юлдузи клубдан хафа бўлган кўринади

“Барселона” раҳбарияти жамоани катта маош олаётган ва узоқ йиллардан бери ўйнаётган футболчилардан тозалаш сиёсатини олиб бормоқда.

Мутасаддилари Серхио Бускетс билан ҳам хайрлашишга тайёр эканликларини билдиришган эди. Бироқ, кейинчалик вазият ўзгарди. Бош мураббий Хави Эрнандес тажрибали футболчи жамоага керак эканини айтмоқда.

Клуб раҳбарияти 34 ёшли футболчига 2024 йилнинг ёзигача давом этадиган битим берди. Бироқ, Серхио бу таклифни қабул қилмади.

“Барселона”да 2005 йилдан буён тўп тепаётган ярим ҳимоячи мавсум охирида шартномаси тугаши билан Европани тарк этмоқчи. Бускетс фаолиятини АҚШ чемпионатида давом эттиришга қарор қилган.