“Барса” зўр футболчини ушлаб қололмайди

“Манчестер Юнайтед” ортидан Англиянинг яна икки клуби – “Арсенал” ва “Челси” ҳам “Барселона” билан келиша олмаётган Рональд Араухо учун курашга қўшилди.

22 ёшли уругвайлик ҳимоячининг каталонияликлар билан ҳамкорлиги келаси йили якунланади. Клуб мутасаддилари футболчи талаб қилаётган маошни бермоқчи эмас. Гави билан музокараларда ҳам худди шу ҳолат кузатилмоқда.

Яқинда “ Барселона” президенти Жоан Лапорта футболчининг маоши қайта кўриб чиқилишини айтганди.

 Маълумотларга қараганда, Рональд Араухо йилига беш миллион евро маошга кўнмаяпти. “Манчестер Юнайтед” бу ҳимоячи учун ҳар мавсум 10 миллион евродан тўлашини маълум қилган. Катта эҳтимол билан уругвайлик ўйинчи Англия жамоаларидан бирининг таклифини қабул қилади.