“Барса”дагилар Рэшфордни қолдириб, Левандовскидан қутилмоқчи

“Барселона” жорий мавсум охиригача ҳужум чизиғи вакиллари масаласида якуний қарорга келиши керак. Биринчидан, клуб раҳбарияти “Манчестер Юнайтед”дан ижарага олинган Маркус Рэшфордни сотиб олиш ёки қўйиб бюбориш бўйича якуний қарорга келиши талаб этилади.

Иккинчидан, шартномаси якунланаётган Роберт Левандовскининг келажаги борасида бир тўхтамга келиш керак.

Mundo Deportivo “Барселона” клуби ходимлари ўртасида ҳар икки ҳужумчининг жамоада қолиш ёки қолмаслиги бўйича сўровнома ташкил этди. Сўровномада қуйидаги саволлар берилди ва натижа кутилмаган кўриниш олди.

Левандовски билан шартномани узайтириши керакми?

Сўровнома натижаларига кўра, қатнашчиларнинг 59,33 фоизи (178 нафар) “йўқ” деб жавоб берган. 31,66 фоиз (95 нафар) “ҳа” деган. 5,33 фоиз (16 нафар) респондент жавоб бермаган. Яна 3,66 фоизи (11 нафар) эса, қарор шартнома шартларига боғлиқ бўлишини айтган.

“Барселона” Маркус Рэшфордни тўлиқ сотиб олиши керакми?

 Бу саволга сўровда қатнашганларнинг 54,66 фоизи (164 нафар) “ҳа” деб жавоб берган. 35,66 фоиз (107 нафар) “йўқ” деган. 6,33 фоиз (19 нафар) респондентлар бу масалани мавсум якунланганидан сўнг ҳал қилиш кераклигини билдирган. Қолган 3,33 фоиз (10 нафар) эса саволни жавобсиз қолдирган.