"Барса"дан ажойиб натижа!

"Барселона" жамоаси охирги ўйинларда ажойиб ғалабалар қайд этмоқда. Жумладан, кеча клуб Европа лигаси доирасида турнир фаворитларидан бири бўлган "Наполи"ни мусобақадан чиқариб юборди.

"Кўк-анорранглилар" итальян клубини умумий 5:3 (1:1, 4:2) ҳисобида мағлуб этиб, кейинги босқичга йўл олди. Шу тариқа, каталонияликлар сўнгги 5 ўйиннинг учтасида рақиб дарвозасига 4тадан гол киритишга муваффақ бўлди.

Бунгача "Барселона" "Атлетико" (4:2) ва "Валенсия" (4:1) билан бўлиб ўтган баҳсларда 4тадан гол урган эди. Қайд этиш лозим, Хави бошчилигида жамоа ажойиб сермаҳсуллик кўрсатмоқда.