“Барса”дан кетишим беш миллион евро туради!

“Барселона” бош мураббийи Хави Эрнандес ўзига керак бўлмаган ўйинчилар билан хайрлашишга тайёр. Кетиши талаб қилинаётган футболчилар орасида даниялик ҳужумчи мартин Брэйтуэйт ҳам бор.

Бу ўйинчи аввалги мавсумда ҳам жамоадан кетишни истамаганди. Энди Мартин агар унга клуб компенсация тўласа, жойини бўшатишга рози эканини маълум қилган.

Marca нашри даниялик форвард жамоани тарк қилиш учун беш миллион евро миқдорида бадал пули талаб қилаётганини ёзди. Брэйтуэйт қолган икки йиллик мавсум учун шартнома бўйича айнан мана шу миқдорда маош олиши керак.

31 ёшли футболчига “Мальорка” жиддий қизиқ билдирмоқда. 2020 йили 18 миллион еврога “Леганес”дан олинган ўйинчи шу пайтга қадар каталонияликлар учун 57 та учрашувда ўнта гол уришга эришди холос.