"Барса"га булар керакмас!

Хави Эрнандес “Барселона”ни қабул қилиб олганидан бери аввалги мураббий Рональд Куман олиб келган нидерландиялик ўйинчилардан қутилишга ҳаракат қилмоқда.

Ҳозир асосий таркибда Френки де Йонг ва Мемфис Депай қолди. Испаниялик мураббий ёзда уларни бошқа жамоага ўтказиб юборишга улгурмади.

Хави ниятидан қайтмаганини намойиш қиляпти. Қолаверса, жамоа Чемпионлар лигасини эрта тарк этгани учун клуб қишда бир неча ўйинчисини сотишга мажбур бўлади. Хави кетадиганлар рўйхатига Мемфис Депай ва Френки де Йонгни қўшиб қўйди.

Клуб раҳбарияти Френки де Йонгни қимматроқ суммага сотиб юборишга уриняпти. Депайга харидор бўлаётган жамоалар ҳам 20-25 миллион евро атрофида харажат қилиши керак бўлади.

Фикрлар

Фикр қолдириш учун авторизациядан ўтинг!