“Barsa”ga endi bu o‘yinchilar kerak emas

“Barselona” bosh murabbiyi Xavi Ernandes milliy chempionat muvaffaqiyatli o‘tayotganiga qaramay, oldingi chiziq vakillaridan uch nafari bilan xayrlashmoqchi.

Sport nashrining ma’lum qilishicha, ispaniyalik mutaxassis Ansu Fati, Ferran Torres va Rafinya Diasni loyiha rejalariga kiritmayapti. Xaviga ularning xizmati kerak emas.

Fati klub tarbiyalanuvchisi bo‘lsa, Torres va Rafinya o‘tgan yozda 100 million evro evaziga olib kelinganiga qaramay, bir mavsum davomida bosh murabbiy ishonchini qozona olmadi.

Klub rahbariyati bosh murabbiyga kerak bo‘lgan yangi ijrochilarni olish imkoniyatini saqlab qolish uchun hozirgi tarkibdan bir necha o‘yinchini sotishiga to‘g‘ri keladi.