“Барса”га ўтма, маошингни кўтариб берамиз!

Мадриднинг “Атлетико” клуби аргентиналик ҳужумчи Хулиан Альваресни ўз таркибида сақлаб қолиш учун унга янги шартнома таклиф қилишга тайёр.

Бу орқали клуб уни бошқа жамоаларга, жумладан, унга жиддий қизиқаётган “Барселона”га ўтиб кетишининг олдини олмоқчи.

Бу ҳақда Sport.es ва Marca каби нуфузли манбалар маълумот чиқарди. Уларга кўра, “матрасчилар” аргентиналик футболчини жамоанинг энг юқори маош олувчи ўйинчиларидан бирига айлантириши кутилмоқда.

Ҳозирда дарвозабон Ян Облакнинг маоши тахминан 20 миллион еврони ташкил қилади ва у клубда энг катта маош оладиган ўйинчи ҳисобланади.

“Атлетико” Альварес билан шартномани яна 1–2 йилга узайтирмоқчи. Шу билан бирга, ҳужумчига йиллик 10 миллион еврoдан ортиқ маош таклиф этилади.

Жорий мавсумда аргентиналик форвард 44 та ўйинда иштирок этиб, 17 та гол ва 9 та ассист қайд этди. Унинг клуб билан шартномаси 2030 йилнинг ёзигача амал қилади.
Transfermarkt портали маълумотига кўра, футболчининг бозор қиймати 90 миллион еврога тенг.