"Barsa"ga qanot himoyachisi kerak

"Barselona" klubi qishgi transferlar oynasida qanot himoyachisi sotib olishga harakat qiladi. Ayni paytda jamoa mavsum ohiriga qadar ijara asosida o‘ynab beradigan futbolchi izlamoqda.

Ehtimoliy variantlar orasida Aleks Sandro, Aleks Telles, Rafael Gerreyro, Nikolas Talyafiko va Alfonso Pedrasa kabi futbolchilar mavjud.

Insayder Xerard Romeroga ko‘ra, "ko‘k-anor ranglilar" hozirda xujumchidan ham ko‘ra ko‘proq himoyachiga muhtoj. Klub tarkibdagi vingbeklar hizmatidan qoniqish hosil qilmayapti.

Ma’lumot o‘rnida, "Barselona" 32 ochko bilan La Ligada 6-o‘rinni egallab turibdi.