"Барса"ни ёзда 10 дан зиёд футболчи тарк этади

"Барселона" жамоаси ёзги трансферлар ойнасида клубни 10 тадан кўпроқ футболчи тарк этишини маълум қилди. "Кўк-анорранглилар" таркибда жиддий ўзгаришлар қилишни истамоқда. 

"ESPN" нашрига кўра, бош мураббий Хави раҳбариятга кетадиган 10 футболчи рўйхатини тузиб берган. Мутахассис жамоада "қайта қуриш" ишларини олиб бормоқчи. 

Маълум қилинишича, Рикки Пуч, Оскар Мингеса, Мартин Брейтвейт, Самуэль Умтити, Ферран Ютгла, Клеман Лангле, Франсиско Тринкау каби футболчиларга "чиқиш эшик"лари кўрсатилган. Шунингдек, ижарага олинган Адама Траоре ва Люк Де Йонг сотиб олинмайдиган бўлди. 

Усмон Дембеле ва Дани Алвеснинг кетиш-кетмаслиги ҳозирча номаълум. Клуб Мемфис Депай ва Френки Де Йонгни каттароқ пул эвазига сотишни режа қилган.