“Барса”нинг куни 15 ёшли футболчига қолди

“Барселона” бош мураббийи Хави Эрнандес янги мавсумда 15 ёшли Ламин Ямалга кўпроқ суянишини маълум қилди.

Ла Масия тарбияланувчиси ўтган мавсумда “Бетис”га қарши учрашувда майдонга тушиб, Ла Лигадаги дебютини нишонлаган эди. Ҳозирча, бу Ямал учун миллий чемпионатдаги ягона учрашув бўлиб турибди.

Мураббийлар штаби энди унга кўпроқ имконият беришни режалаштирмоқда.  

Mundo Deportivo нашрининг маълум қилишича, Хави Эрнандес истеъдодли ҳужумкор футболчини асосий таркиб рўйхатига киритган.