“Барса”нинг Хави айтган “кўринмас” раҳбари ким?

“Барселона”нинг собиқ бош мураббийи Хави Эрнандес клубда аслида муҳим қарорларни ким қабул қилиши ҳақида фикр билдирди.  Шунингдек, у жамоани тарк этиш сабаблари ҳақида ҳам сўз юритди.

- Алехандро Эчеваррия (“Барселона” президентилигига номзод Жоан Лапортанинг собиқ қудаси ва маслаҳатчиси) амалда клубни ўзи бошқаради.

Мен у билан яқин ва дўстона муносабатда эдим, аммо охир-оқибат у менга хиёнат қилди. Январь ойида мен уларга клуб ва ўзимнинг манфаатим учун жамоада қолмаслигимни айтдим.

Ўша ойларда мен Эчеваррия билан учрашиб юрдим, чунки асосий қарорларни айнан у қабул қилишини билардим. У менинг жамоада ишлашимни давом эттиришимни талаб қилди.

Аммо кейин Чемпионлар лигасида ПСЖдан мағлуб бўлдик. Шундан сўнг Алехандро менга қўнғироқ қилиб, раҳбарият менинг келажагимга ишончи йўқлигини айтди.

Лапорта яна менга ёлғон гапирди. У менга “Барса”ни менсиз тасаввур қила олмаслигини таъкидлаганди.

Кейин Эчеваррия пайдо бўлиб, менинг мураббийлар штабим ишлай олмаётганини, жисмоний тайёргарлик самарасизлигини айтди.

Шундан кейин мен клубдан кетиш ҳақидаги якуний қароримни қабул қилдим, - деди Хави Эрнандес.