"Барса"нинг яна бир уриниши самарасиз якунланди
"Интер" клуби аргентиналик ҳужумчи Лаутаро Мартинеснинг трансфери бўйича "Барселона"нинг навбатдаги таклифини рад этди.
Италиялик журналист Николо Скиранинг маълум қилишича, “кўк-анор ранглилар” Мартинес эвазига “нерадзуррилар”га Нелсон Семеду ҳамда Иван Ракитича ёки Хуниора Фирполардан бирини қўшиб беришни таклиф қилишган. Бироқ, ушбу футболчиларнинг ҳеч бири “Интер” устози Антонио Контени қизиқтирмагани боис таклиф рад этилди.
Миланликлар Лаутарони фақатгина унинг шартномасида кўрсатилган 111 млн евролик товон пули эвазига қўйиб юборишмоқчи. “Барса” эса пандемия туфайли юзага келган инқироз туфайли бундай қиммат трансферни амалга оширолмаслиги айтилмоқда.
Фикрлар