"Барселона" - "Реал Сосьедад": Матнли трансляция

Испания Ла Лигаси 19-туридан ўрин олган "Барселона" - "Реал Сосьедад" учрашуви маълум сабабларга кўра эртароқ ўтказилмоқда ва ушбу саҳифада ўйинни матнли трансляцияда кузатиб боришингиз мумкин. Хавфли вазиятларни ўтказиб юбормаслик учун саҳифани янгилаб туриш тавсия этилади. 

• 90+5'
  

  Учрашув якунланди! "Барселона" ўз майдонида қийин 2:1 ҳисобида ғалаба қозонди. Бизни кузатиб борганингиз учун катта раҳмат. Ҳайр соғ ва саломат бўлинг! 

• 90+3'
  

  Карлес Аленья ҳам ўйинни сарик карточкасиз якунламайдиган бўлди

• 90+5'
  

  Учрашувга 5 дақиқа қўшиб берилди

• 89'
  

  Ҳакам Тринкаога сариқ карточка кўрсатди

• 86'
  

  Меҳмонлар сафида яна ўзгариш бўлди. Ле Норман ўрнига Модибо Сагнан тушди

• 84'

  СЕЕЕЕЙВ! Тер Штеген жамоасини муқаррар голдан қутқарди. Германиялик посбон аввалига Жозе сўнгра Исакнинг аниқ зарбаларини қайтарди

• 80'
  

  Ле Норманд огоҳлантирилди

• 79'
  

  "Барселона" сафида ўзгариш Мингуэза ўрнига Лангле туширилди

• 78'

  Меҳмонлар кетма-кет дарвоза томон зарба йўллашди, "Барселона" ҳимоячилари бугун ишончли ўйнашмоқда

• 75'
  

  Педри ўйинни давом эттира олмайди. Унинг ўрнига Пьянич майдонга туширилди

• 74'
  

  ВУУУҲ! Исак жарима майдонига ёриб кириб борди ва  дарвоза томон зарба йўллади. Сўнгги паллада Педри тўпни майдон ташқарисига чиқариб юборди, ўзи эса тўғри бориб устунга урилди

• 71'

  Аленьянинг зарбаси анча ноаниқ ва кучсиз чиқди

• 67'
  

  "Барса" сафида ўзгариш бўлади. Грзиманн ўрнига Тринкао туширилди. Бускетс эса ўрнини Аленьяга бўшатиб берди

• 61'

  Горосабельнинг узатмасини ҳимоячилар қайтарди

• 57'
  

  Ҳозиргина майдонга туширилган Андер Барренечеа огоҳлантирилди

• 56'
  

  "Реал Сосьедад" сафида иккита ўзгариш рўй берди: Янузай ўрнига Барренечеа, Гевар ўрнига эса Наварро майдонга туширилди

• 54'

  Жозе тезкор қарши ҳужумга ўтиб кетганди, Араухо қоида бузмасдан ундан тўпни олиб қўйди

• 53'

  Меҳмонлар иккинчи бўлимни анча фаол ўтказмоқда

• 52'

  Янузайнинг узатмаси ҳеч кимга тегмай майдон ташқарисига чиқиб кетди

• 50'

  Месси рақиб футболчисини тўхтатиб қолди

• 48'

  Месси жарима майдонига ёриб кирди ва зарба йўллади, дарвозабон ўз ўрнида

• 45'
  

  Иккинчи бўлимга старт берилди

• 45'

  Жамоалар майдонга қайтишди

• 45+1'
  

  Биринчи бўлим якунланди. "Барселона" танаффусга 2:1 ҳиобида ғалаба қозонган ҳолда йўл олди.

• 45+1'
  

  Биринчи бўлимга 1 дақиқа қўшиб берилди.

• 42'
  

  ГОООООООООЛ! Альбанинг узатмасидан сўнг Френки яқин масофдан осонликча гол урди. Аввалига ҳакам Де Йонгни ўйиндан ташқари ҳолатда деб топганди, бироқ кейинчалик ВАРдагилар билан келишган ҳолда голни инобатга олди. 

• 40'
  

  Янузайга нисбатан қўпол ўйнаган Бускетс огоҳлантирилди

• 37'

  ВАААЙ! Брейтуэйт яқин масофадан анча ноаниқ зарба йўллади

• 36'

  Омад келмаса ҳам қийин экан! Гризманн дарвозабонни ҳам алдаб ўтиб, зарба йўллади, бироқ тўп тўсинга тегиб қайтди.

• 36'

  Янузай жарима майдони ташқарисидан ўз омадини синаб кўрди. Тер Штеген ўз ўрнида!

• 34'

  Горосабельда қулай имконият бўлганди, бироқ ҳимоячилар уни тўпсизлантирди

• 30'
  

  ГООООООООЛ! Алба аниқ зарбаси билан ҳисобни тенглаштирди. "Барселона" жавоб голини узоқ куттирмади. 

• 28'
  

  ГООООООООООЛ!  "Реал Сосьедад" ўйинда ҳисобни очишга эришди. Гол муаллифи Жозе. Портунинг қанотдан ерлатиб узатган тўпини 9-рақам эгаси дарвозага жойлаб қўйди. 

• 26'
  

  Брейтуэйт ҳужумда фол ишлатди.

• 23'

  Дарвозага берилган зарбалар бўйича "Барселона" яққол устунлик қилмоқда, 5–0.

• 21'
  

  "Реал Сосьедад" футболчиси Янузай Мингуэзанинг юзига тирсаги билан зарба бериб юборгани учун огоҳлантирилди.

• 20'

  Ўйининг 20 дақиқасида ортда қолди меҳмонлар ҳозирча фақат ҳимояланмоқда

• 16'

  ЗАРБАА! Гризманинг кучли зарбаси ҳимоячиларга тегиб қайтди

• 13'
  

  Гризманнинг жарима майдони ичига узатган тўпини ҳимоячилар майдон ташқарисига чиқариб юборди

• 12'

  Де Йонг Меринога нисбатан қоида бузди

• 10'

  ВУУУҲ! Дест қанотдан кириб бориб тўпни жарима майдонига узатди, Педрининг бош билан йўллаган зарбаси дарвозанинг ёнгинасидан ўтиб кетди

• 9'

  "Барселона" футболчилари рақиб жарима майдони яқинида босим уюштиримоқда

• 7'

  Хорди Албанинг узатмасидан сўнг Гризманн дарвоза томон зарба йўллади, бироқ анча ноаниқ

• 3'

  Учрашувнинг дастлабки дақиқалариданоқ майдон эгалари тўп назоратини ўз томонига оғдиришга ҳаракат қилмоқда.

• 1'
  

  Ҳакам хуштаги янгради ва ўйинга старт берилди.

• 0'

  Ассалому алайкум қадрли футбол мухлислари бироздан сўнг Ла Лиганинг 19-туридан ўрин олган "Барселона" ва "Реал Сосьедад" жамоалари ўртасидаги ўйин старт олади. Учрашувни ушбу саҳифада матнли трансляция қилиб борамиз.