"Барселона" - "Сосьедад" баҳсида берилган қизил карточка борасида Матеу Лаос фикр билдирди

Антонио Матеу Лаос "Сосьедад" футболчисининг "Барселона" билан ўйинда четлаштрилганини нотўғри қарор, деб баҳолади. 

"Барселона" Ла Лига 26-тури доирасида ўз майдонида "Реал Сосьедад"ни мағлуб этди (4:0). 

17-дақиқада "Сосьедад" ҳимоячиси Ариц Элустондо "Барселона" ярим ҳимоячиси Дани Ольмони дарвозабон билан яккама-якка вазиятга чиқиб кетаётган пайтда тўхтатди. Эпизод майдон марказига яқинроқ нуқтада содир этилди. Бош ҳакам Алехандро Кинтеро 30 ёшли футболчига ўйлаб ўтирмай, қизил карточка кўрсатди. 

"Бу юз фоиз голли вазият бўлиши ва барча элементлар бирлашиши учун Ольмо бироз муддат тўпни ўзида ушлаб туриши керак эди. 

Шунингдек, масофа олис эди. Бундан ташқари, Элустондонинг жамоадоши (Хави Лопес) уни ёпишга ҳаракат қилаётганди", - деди испаниялик собиқ ҳакам Матеу Лаос.