“Барселона” ҳужумчисига 3 та клуб қизиқмоқда

Каталониянинг "Барселона" клуби ҳужумчиси Ансу Фати ушбу трансфер ойнасида жамоани тарк этиши мумкин. “Спорт” нашри хабарига кўра, испаниялик футболчига айни дамда учта клуб қизиқиш билдирмоқда.

Манбага кўра, Испаниянинг "Севиля", Англиянинг "Вулверхемптон" ва Португалиянинг “Бенфика” клублари қанот ҳужумчисини қўлга киритишмоқчи. Каталонияликлар Ансуни ижарага беришга қарши эмас. 

Аввалроқ, “кўк-анорранглилар” молиявий муаммолар сабаб, 5 нафар футболчиси билан хайрлашишга мажбурлиги ҳақида хабар берган эдик.

Эслатиб ўтамиз, Фати ўтган мавсумда Англия Премьер-лигасида "Брайтон" сафида ижара асосида ўйнаган эди. “Чайкалар” сафида  барча турнирларда  25 та учрашувда 4 та гол ва битта ассист қайт этган.