"Barselona" 17 yoshli iqtidorni tekinga olmoqchi

Relevo nashrining xabar berishicha, "Malaga" klubi qanot hujumchisi Antonio Kordero faoliyatini La Liganing grand klubida davom ettirishi mumkin.

Manbada yozilishicha, "Barselona" 17-yoshli futbolchiga qiziqmoqda. Transfermarkt portali uni 2 million evroga baholamoqda.

Joriy mavsum Segundada Kordero 12 ta uchrashuvfa maydonga tushib, 3 ta gol va 3 ta gol urishga erishdi. Uning "Malaga" bilan shartnomasi 2025 yilning yozida tugaydi. Shu sababli, "ko‘k-anorranglilar" uni erkin agent sifati o‘z saflariga qo‘shib olishlari mumkin.