"Барселона" 6 та футболчи билан хайрлашмоқчи

"Барселона" клуби ёзги трансфер ойнасида футболчиларни сотиб, камида 150 млн евро ишлаб олмоқчи.

"ESPN" хабар қилишича, Каталония клуби трансфер ойнаси ёпилгунига қадар, футболчилар сотувидан 250 млн евро ишлаб олишни режа қилган. Ёзнинг бошида Яспер Силлессен, Андре Гомеш, Денис Суарез, Марк Кукурелья, Марк Кардона ва Серхи Паленсия жамоани тарк этишди. Каталонияликлар ушбу трансферлардан 80 млн евро ишлаб топди.

Режадаги қолган маблағни чиқариб олиш учун клуб 6 та футболчи билан хайрлашмоқчи. Манбаанинг тахминига кўра, Рафинья, Филиппе Коутиньо ва хужумчи Малком трансферга қўйилишга асосий номзод. "Кўк-анорранглилар" Коутиньо трансферидан 105 млн евро ишлаб олишни режалаштирган. Бундан ташқари, Малкомни 40 млн еврога ва Рафиньяни 15 млн еврога сотишдан умидвор.

Жамоани тарк этиш эхтимоли бўлган 6 талик рўйхатидан Ракитич, Юмтити ва Артуро Видаль жой олган бўлишлари мумкин. Аммо Эрнесто Вальверде жамоаси бу трансферларни амалга ошириш учун шошиб иш қилмоқчи эмас, балки қулай бўлган таклифни кутади.