“Барселона” акцияларини сотишда давом этади

AS хабарига кўра, "Барселона" ўзининг яна 25% улушини 100 миллион еврога сотишни режалаштирмоқда.

Нашрнинг ёзишича, каталонияликлар янги келганларни рўйхатдан ўтказиш учун рухсат олиш мақсадида шундай қадам ташлашга тайёр. “Кўк-анорранглилар” раҳбарияти клубнинг ижодий маҳсулотлар тайёрлаб берувчи “Barca Studios” акцияларини сотиши режалаштирилган.

Аввалроқ, “Барселона” “Barca Studios” 24,5% улушини сотган эди. Июль ойи бошида клуб молиявий ҳолатини яхшилаш учун стадион номини ўзгартиришни эълон қилди. Шунингдек “Камп Ноу”да тўй  базмлар ўтказишга ҳам рухсат берилди.