"Барселона" бирданига 5 нафар ҳимоячини кузатиб боради

Каталониянинг "Барселона" клуби жамоа мудофаа чизиғини кучайтириш учун янги ўйинчи билан шартнома имзолашни режалаштирмоқда. Бу ҳақда "Mundo Deportivo" нашри хабар бермоқда.

Манба маълумотларига кўра, "кўк-анорранглилар" беш нафар ҳимоячига қизиқиш билдирмоқда. Ла Лига ғолиби энг катта эътиборни Лиссабоннинг "Спортинг" клуби ҳимоячиси Гонсалу Инасиуга қаратган. Шунингдек, "Барселона"нинг трансфер рўйхатида Мурилло ("Ноттингем Форест"), Марк Гехи ("Кристал Пэлас"), Лукас Беральдо (ПСЖ) ва Луис Бенедетти ("Палмейрас") ҳам бор.

Испания чемпионатининг уч туридан сўнг Ханс-Дитер Флик шогирдлари турнир жадвалида тўртинчи ўринни эгаллаб турибди.