"Barselona" bu futbolchidan tezroq qutulmoqchi

"Barselona" rahbariyati niderlandiyalik yarim himoyachi Frenki de Yongni "Manchester Yunayted"ga 70 million evroga sotmoqchi, dedi jurnalist Xose Alvares El Chiringuito telekanalida.

Manbaga ko‘ra, yarim himoyachining transferi mavsum yakunida ingliz klubini boshqaradigan Erike ten Xagning asosiy maqsadlaridan biri hisoblanadi.

Kataloniya klubi de Yongdan tashqari yana bir qancha futbolchilarni sotuvga qo‘ygani haqida xabarlar mavjud.

Ma’lumot uchun, Frenki bu mavsum "Barselona" safida barcha turnirlarda 43 ta o‘yinda maydonga tushib, 4 ta gol urdi va 5 ta golli uzatmani amalga oshirdi.