"Барселона" чемпионликдан кейинги илк ўйинда яна ютқазди

"Барселона" Ла Лиганинг 36-турида меҳмонда "Алавес"га 0:1 ҳисобида мағлуб бўлди.

Каталонияликлар ушбу баҳсга муддатидан аввал чемпионликни расмийлаштирган ҳолда етиб келди. Элитада жон сақлаб қолиш учун курашаётган "Алавес" эса юқори мотивация билан ҳаракат қилди.

Шу тариқа, "Барселона" кетма-кет тўртинчи марта муддатидан аввал қўлга киритилган чемпионликдан кейинги илк учрашувда мағлубиятга учради.

"Barca Universal" маълумотига кўра, ушбу серия 2019 йилда "Сельта"га қарши ўйиндан бошланган. Кейинчалик "кўк-анорранглилар" 2023 ва 2025 йилларда мос равишда "Реал Сосьедад" ҳамда "Вильярреал"га ҳам ютқазган.

Ханс-Дитер Флик шогирдлари ҳозирда турнир жадвалида иккинчи ўринда бораётган "Реал"дан 14 очко олдинда бормоқда.