"Барселона" "эл-класико"даги ҳолат учун жазоланди

Испания футбол федерацияси қўмитаси “Реал”га (0:0) қарши ўйинда содир бўлган ҳолат учун “Барселона”ни жазолади.

Эслатиб ўтамиз, “Камп Ноу”даги ўйиннинг 55-дақиқасида мухлислар шиширилган шарларни майдонга улоқтиришди ва натижада ўйинда қисқа тўхталиш юз берди.

Юқоридаги ҳолат учун “Барселона” жиддий огоҳлантирилди ва 1500 евро жаримага тортилди.