"Барселона" Европанинг энг кучли жамоалари қаторида эмас!

"Барселона" ҳимоячиси Рональд Араухо Чемпионлар лигаси доирасидаги "Бавария"дан учралган мағлубият ҳақида фикр билдирди:

"Натижа - даҳшатли. Рақибда вазиятимизни янада ёмонлаштириш имконияти бор эди. Ўйинни яхши бошладик, аммо голни улар уриб кетди. Ўтказиб юборилган биринчи гол ўзимизга бўлган ишончнинг пасайишига сабаб бўлди. 

Фақатгина бу ўйин эмас, аввалгиларининг натижаси учун гуруҳдан чиқа олмадик. Энди ишлашда давом этишимиз лозим. Гап шундаки, "Барселона" Европанинг энг кучли жамоалари қаторида эмас. Эндиги мақсадимиз Европа лигасида ғалаба қозониш".

Маълумот учун, каталонияликлар 17 йил деганда илк бор Чемпионлар лигаси плей-оффига чиқа олмади.