"Барселона" FIFAни судга берди

"Барселона" Хулиан Араухонинг трансфери юзасидан САС (Спорт Арбитраж Суди)га апелляция берди.

Каталония клуби "Лос-Анжелес Гэлекси" ҳимоячисини харид қилганди. Бироқ каталонияликлар англиялик футболчини рўйхатдан ўтказишга 18 сония кечиккан.

"Кўк-анорранглилар" трансферни якунлаш учун FIFAга мурожаат қилган, бироқ ташкилот футболчининг трансфери амалдаги қоидаларга мувофиқ амалга оширилмаганини айтиб, рад этган.

"Барса" директори Матеу Алеманининг айтишича, клуб САСга апелляция аризаси берган.

"Биз Араухонни иккинчи жамоада кўрмоқчи эдик. Бизга бу трансфер керак ва биз САС орқали ечим излаймиз. Балки у бошқа клубда 5 ой ўйнаб, кейин сафимизга қўшилар", - деди Алемани.