"Барселона" футболчиси бир совринни 11-бор қўлга киритди

"Барселона" вакили Роберт Левандовски яна бир индивидуал совринга эга чиқди.

Маҳоратли ҳужумчи Польшада йилнинг энг яхши футболчиси деб топилди. Бу курашда "Наполи" аъзоси Пётр Зелиньский ҳамда "Ювентус" дарвозабони Войцех Шчесни унга рақиблик қилди. Роберт ушбу мақомга 11-марта лойиқ кўрилмоқда.

Қизиғи, тақдирлаш маросимида совринни унинг ўрнига онаси қабул қилиб олди. Боиси, футболчи айни пайтда "кўк-анорранглилар" таркибида машғулотларда иштирок этяпти.

34 ёшли форвард ўтган мавсум барча турнирлар доирасида 51 учрашувда майдонга тушиб, ўз ҳисобига 53 гол ва 8 ассистни ёздириб қўйишга муваффақ бўлган.