"Барселона" футболчиси Шомуродовнинг жамоадошига айланиши мумкин

Каталониянинг "Барселона" клуби ҳужумчиси Ансу Фати Испания чемпионатидан Италия А Сериясига кўчиб ўтиши мумкин. Бу ҳақда Todofichajes портали хабар бермоқда.

Манбанинг ёзишича, 21 ёшли испаниялик форвард хизматларига "Рома" қизиқиш билдирмоқда. Пойтахт клуби қишда "кўк-анорранглилар" билан Ансуни жорий мавсум охиригача ижарага олиш борасида келишувга эришмоқчи. Фатининг "Барселона" билан шартномаси 2027 йилнинг июнь ойи охиригача амал қилади. Ҳужумчининг трансфер қиймати 15 миллион еврога баҳоланмоқда.

Ансу Фати жорий мавсум "Барселона" сафида Ла Лига доирасида фақат битта ўйинда майдонга тушди холос.