Ads

Каталониянинг "Барселона" клуби ярим ҳимоячиси Рафинья "Валенсия"га кўчиб ўтишга жуда яқин турибди. Бу ҳақда Mundo Deportivo нашри хабар бермоқда.

Юқоридаги манбаага кўра 26 ёшли бразилиялик футболчининг трансфери “кўршапалаклар”га 15 млн еврога тушади.

Таъкидлаш керакки, Рафинья сўнгги йилларда жуда кўп жароҳатлар олди ва шу боис “кўк-анор ранглилар”нинг асосий таркибига кира олмади.

Маълумот учун, Рафинья ўтган мавсум “Барселона” сафида бор йўғи 12та ўйинда майдонга тушди ва 3та голга муаллифлик қилди.

Эслатиб ўтамиз, бундан аввалроқ "Барселона"нинг голландиялик дарвозабони Яспер Силлесен ҳам "Валенсия"га ўтиши ҳақида хабарлар тарқалган эди.