"Барселона" футболчисини Суперлига клубига ижарага бериши мумкин

"Барселона" ҳимоячиси Самюэль Умтитининг жамоадаги тақдири номаълумлигича қолмоқда.

Sport.es нашрининг хабар беришича, франциялик футболчига "Бешиктош" жиддий қизиқиш билдирмоқда. Турк гранди Умтитини ижарага олмоқчи ва ҳатто маошининг катта қисмини тўлашга ҳам тайёр.

Молиявий қийинчиликларга дуч келган “Барселона” учун бу энг яхши таклифлардан бири бўлиши мумкин.

Эслатиб ўтамиз, 27 ёшли французнинг маоши солиқларни ҳисобга олган ҳолда йилига 16 миллион еврони ташкил қилади.

Умтитининг каталонияликлар билан шартномаси 2023 йилнинг ёзигача имзоланган.