"Барселона" Гризманни сотиб олишга яна бир бор уруниб кўрмоқчи

Каталониянинг “Барселона” клуби ҳамон “Атлетико” форварди Антуан Гризманни сотиб олиш фикридан қайтмаяпти.

Эслатиб ўтиш лозимки, “кўк-анор ранглилар” 27 ёшли франциялик футболчини ўтган йилнинг ёзидаёқ сотиб олишгу уруниб кўришган эди. Аммо, Гризманн якунда мадридликлар билан шартномасини узайтиришни танлаган эди.

L’Equipe нашрининг хабар беришича “Барселона” мавсум якунлангач Гризманнинг трансфери масаласида яна бир урунишни амалга оширмоқчи.

Маълумот учун, Гризманнинг “Атлетико” билан амалдаги шартномаси 2023 йилга қадар имзоланган. Ушбу келишувга кўра унинг товон пули 200 млн еврони ташкил этади. Аммо, истаган клуб уни 2019 йилнинг июнига қадар 120 млн евро эвазига сотиб олиши мумкин. Шундан сўнг унинг нархи 200 млн еврога кўтарилади.

Каталонияликлар аллақачон ушбу масала юзасидан Гризманнинг вакиллари билан алоқага чиқишган.