"Барселона" ҳимоячиси жиддий жароҳат олди. Унинг фаолиятига нуқта қўйилиши мумкин

"Барселона"нинг қанот ҳимоячиси Мусса Вагенинг футболдаги фаолияти хавф остида қолди.

Sport.es нашри тарқатган хабарга қараганда, 22 ёшли сенегаллик футболчи жиддий жароҳат сабаб бутсаларини михга илиши мумкин. Гап шундаки, у тиззасининг олди, орқа ва ёнбош қисмларидан қаттиқ шикастланган. Шифокорлар унинг соғайишига камида 1 йил талаб этилишини айтмоқда.

Ваге жорий мавсумни Грециянинг ПАОК клубида ижарада ўтказаётган эди.