"Барселона" ҳимоячиси янги мавсумни АПЛда бошлаши мумкин

"Барселона" клуби ҳимоячиси Самуэль Умтити мавсумлар оралиғида жамоасини ўзгартириши мумкин. Бу ҳақда CalcioMercato нашри хабар бермоқда.

Юқоридаги манбаага кўра 25 ёшли французга "Манчестер Юнайтед" ҳамда "Манчестер Сити" клубларидан таклифлар бор ва у ушбу таклифларни кўриб чиқишга тайёр. Боиси, “Барселона” ёзда унинг позициясига "Аякс"дан Маттайс де Лихтни сотиб олмоқчи.

Маълумот учун, Умтити мавсумнинг асосий қисмини жароҳати сабаб ўтказиб юборди ва бор йўғи 10та ўйинда иштирок этди. Transfermarkt талқини бўйича унинг нархи 70 млн еврони ташкил этади.