"Барселона" ҳужум чизиғини янги футболчига топширади

"Барселона" клуби ёзги трансферлар ойнасида таркибни қайси позицияларига янги футболчиларни жалб қилиш кераклигини режалаштириб олди.

Diario Sport нашрининг хабарига кўра, "кўк-анорранглилар" 4 нафар футболчи билан битим имзоламоқчи. Каталония клуби марказий ҳужумчи, таянч ярим ҳимоячиси, қанот ҳимоячиси ва марказий ҳимоячи (чап оёқда ўйнайдиган) билан таркибни кучайтиришини мақсад қилди.

Бу борада, марказий ҳужумчи ролида "Интер" форварди Лаутаро Мартинес энг мақбул номзод бўлиб турипти.

Ушбу трансферларни амалга ошириш учун, каталонияликлар асосий жамоанинг бир нечта футболчиларини сотиб юбориши кутилмоқда.