"Барселона" ҳужумчиси "Атлетико"га қарши ўйинни ўтказиб юборамиди?

“Барселона” футболчиси Рафинья соғлиғи ҳақида фикр билдирди.

Аввалроқ хабар қилинганидек, бразилиялик ҳужумчининг ўнг сонида мушак зўриқиши аниқланган эди. Шу сабабли у Испания кубоги чорак финалида "Албасете" ва Ла Лига доирасида "Мальорка"га қарши (3:0) ўйинларда иштирок этмади.

“Ўзимни яхшироқ ҳис қилаяпман, аста-секин ҳаракат қилаяпмиз. Пайшанба кунига тайёр бўламанми, кўрамиз. Вариантлар бор, лекин ҳаммамиз биламиз, жароҳатлар қанчалик тез содир бўлиши мумкин. Жамоани сўғиндим.”

Маълумот учун, каталонияликлар пайшанба куни Испания кубоги ярим финалида "Атлетико" билан баҳс олиб боради.