"Барселона" ҳужумчиси номаълум муддатга сафдан чиқди

"Барселона" ҳужумчиси Мартин Брейтуэйт жароҳат олиб сафдан чиқди. Бу ҳақда клуб расмий сайти хабар тарқатмоқда.

Юқоридаги манбага кўра, даниялик футболчи машғулотлар жараёнида оёғидан шикастланган. Ҳозирча унинг қачон сафга қайтиши номаълум.

29 ёшли Мартин “Барселона”га 2020 йил кўчиб ўтди. У ҳозирча каталонияликлар сафида жами 11 та ўйинда майдонга тушди ва 1 та гол урди. Унинг клуб билан амалдаги шартномаси 2024 йилга қадар имзоланган.