"Барселона" ҳужумчисига 3 та АПЛ клуби қизиқмоқда

"Барселона" ҳужумчиси Ферран Торрес ҳали ҳам Англия Премер-лигаси клубларининг диққат марказида қолмоқда.

25 ёшли футболчи "кўк-анорранглилар" таркибида асосий таркибда мунтазам майдонга тушмаётгани сабабли Англияга қайтиши мумкин. "Transfer News Live" хабар беришича, испаниялик футболчига "Тоттенхэм", "Астон Вилла" ва "Ньюкасл" қизиқиш билдирмоқда.

Эслатиб ўтамиз, Ферран Торрес бундан аввал "Манчестер Сити" шарафини ҳимоя қилган ва 2022 йил бошида "Барселона"га кўчиб ўтган эди.

Жорий мавсумда "Валенсия" академияси тарбияланувчиси 34 ўйинда 15 та гол урди ва 3 та голли узатма амалга оширди. "Transfermarkt" портали унинг трансфер қийматини 28 миллион евро деб баҳоламоқда.